रेखाको रेट ३ बाट ५ लाख

नायिका रेखा थापा वाहेक अन्य कलाकार लिनुपरे सिनेमा नै नवन्ने भनेर केही व्यक्तिलाई भनेका निर्देशक शोभित वस्नेतका लागि अन्त्यमा यही कुरा घाँटा लगाउने राम्रो माध्यम वन्यो । उनले निर्देशन तथा निर्माण गर्न लागेको चलचित्र ‘जाउँ हिड पोखरा’मा एक स्टार कलाकारको कथा वुनिएको छ । यसमा नायिका रेखा थापा वाहेक अन्य कोही पनि कलाकार नसुहाउने उनको तर्क थियो ।

यसैले, उनले रेखा वाहेक अन्य लिएर काम नै नहुने वताए । यो कुरा पहिले नै थाहा पाएपछि रेखाले पनि शोभीतसँग राम्रै वार्गेनिङ गरेकी छिन् । यो सिनेमाका लागि रेखासँग शोभितले ५ लाखमा सम्झौता गरेका छन् । यो सिनेमामा सम्झौता गरेलगतै रेखाको पारिश्रमीक ५ लाख पुगेको छ ।

‘जाउँ हिड पोखरा’को छायाकन यही वैशाख १५ गतेवाट सुरु हुनेछ । यो सिनेमाको छायांकन अवधिभर अर्थात ४५ दिनसम्म रेखाले अन्य सिनेमामा काम गर्न नपाउने शर्त समेत रहेको छ । यो भन्दा अघि उनी ३ लाख हारहारीको पारीश्रमीक लिंदै आएकी थिईन् । यो वर्ष उनले अभिनय गरेको कुनै पनि सिनेमाले खासै व्यापार नगरे पनि रेखा अव महङ िनायिका समेत भएकी छिन् ।

यो सिनेमामा ड्रेस भने रेखाको नै खर्च लाग्ने छ । नायिका थापाले ५ लाख आफ्नो पारीश्रमीक वढाएलगतै नायक सविन श्रेष्ठको पनि रेट वढेको छ । उनले, यही सिनेमाका लागि शोभीतसँग ४ लाख डिमान्ड गरेको थाहा भएको छ । सविनले ४ लाख डिमान्ड गरेपछि शोभितले यसवारेमा केही पनि वोलेका छैनन् । तर, अनलाईन खवरसँग कुरा गर्दै वस्नेतले भने, सविनले ४ लाख भन्दा त मलाई एकछिन रिंगटा नै लाग्यो । नायक आर्यन सिग्देलले धुवा सिनेमामा ८ लाख पारीश्रमीक पुर्याएका छन् । यता, लुट वाट चर्चित वनेका कलाकार सौगात मल्ल अर्थात ‘हाकु काले’ले भने आफ्नो रेट ४ लाख पुर्‍याएका छन् । आर्यनको रेटकै पछि पछि लागेका नायक जिवन लुईटेलले भने आफ्नो रेट ६ लाख माथी भन्ने गरेका छन् । यसरी, कलाकारहरु अहिले रेट वढाउनमा व्यस्त रहेका छन् । तर, रेट वढाएका कलाकारमा सौगातको भन्दा अन्य कलाकार सवैको सिनेमा वर्ष ६८ मा असफल भएका छन् । नेपाली सिनेमाको व्यापार नभएपनि कलाकारको रेट वढाउने अभियान भने निरन्तर रहेको छ । हेरौ, यो प्रतिस्पर्धा कहिलेसम्म जारी रहने हो ।

आशा गरिएका कलाकार असफल भएको वर्ष ०६८

यो वर्ष गत वर्ष के के नै गर्छन् कि भनेर आशा गरिएका अधिकांश कलाकार असफल बने । नायिका सुमिना घिमिरेका लागि यो वर्ष सुखद बन्न सकेन । उनले अभिनय गरेको दुलही, किन मायामा, छविलाल कञ्जुस छैन, सडक जस्ता सिनेमा असफल भए । जसका कारणले उनको सिने क्षेत्रको यात्रा लामो समय जाने कुरामा शंका व्यक्त गर्न सकिन्छ ।

नायिका निता ढुंगानाले अभिनय गरेको चलचित्र हाम्रो माया जुनी जुनीलाई पनि खासै सफल हुन सकेन । नायक प्रशान्त तामाङले गत वर्ष ब्लकबस्टर गोर्खापल्टन सिनेमा दिएपनि यो वर्ष भने उनले अभिनय गरेको चलचित्र किन मायामा र अंगालो यो मायाको दुवै असफल रहे । यसका कारण उनको नेपाली सिनेमा करीअर पनि धरापमा परेको विश्लेषण गरिएको छ । नायिका केकी अधिकारीका लागि पनि यो वर्ष सुखद बन्न सकेन । उनले अभिनय गरेको चलचित्र स्वरले गतवर्ष असफलताको स्वाद चाखेको थियो । यो वर्ष उनले अभिनय गरेको आई.एम.सरी. र मायाको बारीमा सिनेमा रिलीजमा आए । तर यी दुवै सिनेमा असफल भएपछि केकीको चलचित्र यात्राको सुरुवातमै झट्का लागेको छ ।

यीबाहेक अनु शाह, जिया के.सी., शशि खड्का सबैको उपस्थिती अर्थहिन नै रह्यो । नेपाली चलचित्रका यो वर्ष कुनै पनि त्यस्ता कलाकारको आगमन भएन जो लामो रेसको घोडा बन्न सकुन् । कलाकारको आगमन नहुँदा सिनेमा क्षेत्रमा सिनेमा बनाउनेले खोजेजस्तो कलाकार पाउन निर्माता निर्देशकलाई धौ धौ पर्यो । कतिपयले अडिसनको बाटो रोजेपनि कलाकारको आगमन खासै सुखद बन्न सकेको देखिएन ।

यसरी वर्ष २०६८ आशा गरिएका सबै कलाकार असफल भएको देखिन्छ । यो वर्ष प्रदर्शनमा आएको चलचित्र चपली हाईट सफल भएपछि नायिका बिनिता बराल केही आशा गरिएकी नायिकाको रुपमा देखिएकी छिन् । उनको अगाडिको बाटो कस्तो हुने हो यो भने हेर्न अर्को वर्ष नै कुर्नुपर्ने देखिन्छ । यी बाहेक अन्य सवै कलाकार अनुहार देखाउन मात्र आए । जो जुन बाटो गरेर आएपनि कुनै पनि कलाकारको आगमन सुखद बन्न सकेन ।